البنت الزنجية الفقيرة التي اصبحت أول بليونيرة سوداء في العالم
يمكنك ايضا مشاهدة
البنت الزنجية الفقيرة التي اصبحت اول بليونيرة سوداء في العالم كانت أمها تعمل خادمة في منزل اشخاص أغنياء ، ووالدها يعمل حلاق، عيليتها مفككة وعايشة على المعونة الإجتماعية من شدّة الفقر، وكانت دايما تلبس هدوم مصنوعة من أكياس البطاطس والأطفال يتريقوا عليها ويسخروا منها،عاشت تتنقل بين والدها ووالدتها وجدتها وأعمامها ، والمفزع انها اتعرضت للتحرش الجنسى من عمها وابن عمها وهى عندها 9 سنين !!
رغم كل ده قدرت تجتهد وتتخرج من جامعة "تينيسي" وقدرت كمان تبقى ملكة جمال جامعة وتفوز بالمسابقة .. ودى حاجة لفتت نظر محطات الإذاعة واللى كانت فرصتها فى انها تقدم أول برنامج تلفزيونى ..
أوبرا وينفرى اللى بقت من أشهر مقدمي البرامج الحوارية الأمريكية ومليونيرة فى نفس الوقت وهى عندها 32 سنة مكانتش شهرتها من فراغ .. نحتت فى الصخر عشان توصل للشهرة والمجد والفلوس .. "أوبرا وينفري" دلوقتى بتقدم أشهر برنامج حواري "أوبرا شو"، والأعلى من حيث نسبة المشاهدة في تاريخ التلفزيون ..
ومن سنة 1995 مفيش مرة اسمها منزلش فى قائمة مجلة فوربس الاقتصادية لأكثر 400 أمريكي ثراء ، وبقت أول بليونيرة سوداء في العالم؛، عندها ثروة تقدر بـ2.5 بليون دولار. !!!
قصة نجاح أوبرا مش محتاجة نبين معاناتها فى الأول لأنها كانت فقيرة جداً .. ولا محتاجين نقول انها ناجحة لأنها من أنجح الشخصيات على مستوى العالم وهيفضل اسمها محفور عبر الزمن ..
كل اللى بيتعب بيوصل .. متفقدش الأمل عشان انت بنفسك هتصنع #قصة_نجاحك
لا تنسي قيم هذه المقالة بتعليق ولو بسيط ووساعدنا في نشر مدونة قصص
المشاركات
قصة فعلا جميلة اتمني ان يكون في العالم العربي ناجحين مثل اوبرا
ردحذف